今日同埋bf, Joanne, 鱈, Erica去Creation度首次試衫...

今次只可以試3件衫, 可以口頭上hold衫, 到出年2,3月既時候, 就可以試晒店內既衫, 再到8月份會有新款返, 到時可以再轉款. (一但落實要hold衫, 就要俾埋尾數, 已落實就唔可以再轉款)

我試左2件拖尾婚紗, 好grand好閃, 另外試左一件淺綠色既A-line晚裝, 有小拖尾, 拖尾部份D石釘工好靚, 不過BF話我皮膚黑, 穿起淺綠色好似唔係好match, 講真, 我膊頭, 背部同雙手又真係幾古銅色, 睇怕呢一年都唔可以再去游水釣魚啦! 好羨慕D女仔有個玉背, 我諗我真係要做下背部磨砂, 手臂都要做下美白至得...  

呢間野唔俾拍照, 除婚期前1,2個月先至可以影低已book既衫(因為要俾mua夾造型). 我返到屋企後先醒起, 頭先我試果件心水婚紗係櫥窗既display, 即係響街外可以靜雞雞偷拍, 真係失策!