|
BLOG 主版 - Janice & Ivan 's Wedding Blog |
|||
自製成長片頭 - 教學篇 |
日期: 6/22/2008 | ||
|
由於有不少網友, 都好似我咁...略嫌市面上之"成長片頭"千篇一律, 無厘新意, 大家都想花點心思, 俾D誠意去DIY, 所以...我就響度略略講解我整片頭既技巧.
重申一點...我並不是電腦高手, 我都係響ESD/網上找資料, 遇到不明白既地方, 我甚至會上"YAHOO知識"發問別人, 再加上自己有限的photoshop執相技巧, 同埋無限既創意, 心機及時間. 不過, 當中亦遇到錯折, 就係完成條片之後, 出現燒錄的製式問題...發現不是所有DVD機都能輸出, 有些DVD機會有畫面冇聲, 我甚至事前帶埋部DVD去婚宴場地試碟, 確保我既心血結晶能順利播放. 最終都能於婚禮當晚成功播出. 但很遺憾...因為MC的一時大意, 加上自已事前缺乏溝通, 以致在座賓客都唔知條片係由我既精心傑作, 呢件事一直令我耿耿於懷. 不過我都好開心可以得到大家既欣賞! 所以決定公開我有限既整片技巧, 希望幫到大家. 想重溫我個"心血結晶", 請click入~ http://www.youtube.com/watch?v=vfw9060vZVk 想知道我條片點整, 請click去"閱讀全文"! 坊間有好多整movie既software(例如...會影會聲, adobe premier) 而我... 就係用"window movie maker" 因為電腦本身已有, 唔駛錢, 又唔駛上網download D試用版. * "Window movie maker" ---window xp已兼容, 去"開始">>>"程式集"就會有.) 呢個window movie maker相當易用, 可以匯入相片, 音樂, 手機/相機短片, 而 相片/音樂/短片 之播放時間可以自已set, 亦可以打上字幕, 有過場效果, 播放特效. 不過如果想加插多D flash既效果, 就要另外上網搵啦! 要條片精采, 首先你一定要在photoshop/photoimpact度執一執D相. ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 先找一些你想"玩野"既相片在photoshop/Photoimpact修改, 例如圖一,原本張相沒有"向日葵相框的", 我就找一些有趣相框加上去. 跟住, 就將隻眼繪成白色, 再加上黑色眼珠在右邊.(圖二)  (圖一）  （圖二） 依我條片為例, 你地見到圖像好似識動(例如眼珠向左,向右), 其實張相原本係眼珠向左, 我響photoshop度加工, 將眼珠變右, 然後在window movie maker度set相片播出時間時(左..1秒, 右..2秒, 左1秒), 就係咁, 你地就覺得條片識動, 生鬼D啦!  1秒(圖一) >>>>>>>>>2秒(圖二)>>>>>>>1秒(圖一)    1秒(圖一) >>>>>>>>>2秒(圖二)>>>>>>>1秒(圖一)    1秒(圖一) >>>>>>>>>2秒(圖二)>>>>>>>1秒(圖一) ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 片頭之相片播出次序, 通常是新娘童年至長大 >> 新郎童年至長大 >> 兩人邂逅/拍拖 >> 婚紗相 . 所以開始時, 我第一張童年相會加入"Janice"字樣(在photoshop/Photoimpact預先加上)  (圖一) -- 有 "JANICE" 字樣  (圖二)  2秒(圖一) >>>>>>>>>1秒(圖二)>>>>>>>1秒(圖一) ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 想張相豐富D, 可以將相片加入一些得意既相框 (photoshop做, 以下相框我無意中響網上搵到,如果你地想要,我可以send俾你地)   以下之相片, 就是加了"得意相框" (需要在photoshop加上)      ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 片頭裡面, 童年時少不免會有一大班人合照, 大家都唔知邊個係你, 呢個時候, 就要在photoshop 上插一D”Object”, 例如紅圈, 剪咀…指住/圈住相片中的你.  以下就是例子......  ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 加入字幕, 有兩種做法, 一種做法, 係用movie maker裡的工具  上圖的"女大十八變"及"求婚"字樣, 亦是"字幕的一種, movie maker內有好多種出字幕既選擇, 例如...在螢幕下面由右邊拉出, 由中間彈出.... 第二種做法,就係響photoshop內,已打上字句在相片上---  以我條片為例, 求婚一幕, 有成6,7句讀白, 如果用movie maker出字幕既方法, 要等D字幕彈出來...時間好難掌握, 所以...我就先在photoshop, 用同一張相片, 製作出6,7張寫上不同字句的相片. 再續張插放. ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 加入"3D Video" (例如: GO! / Start / Show time / The end … 等字樣), 呢D可以響網上download.  ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 如果你地自己有用相機/手機拍下一D值得分享/感人的短片, 亦可以將條片匯入, 就好似我地個"求婚記"   ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 以下...就係"window movie maker"之介面 匯入圖片  匯入圖片在window maker後, 可以將相片拖在下面的空格.  ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 視訊轉換(過場效果) --- 即是相與相之間的交接效果...     選擇喜歡的"視訊轉換", 將之拖落相與相之間的地方. ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 設定相片之播放時間 及 相與相之間的轉換時間... 去"工具">>>"選項"  每張相片都可選擇不同的播出時間 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 儲存檔案, 要小心注意, 因為如果你整好條片之後, 就選擇"儲存電影檔案", 這個檔案就會變成一個"Windows Media 音訊/視訊檔", 即係話...如果你再想修改條片, 你check入去個file, 只會開左個視訊檔, 而唔係入去"movie maker"度. 所以...我建議大家完成條片後, 先"儲存專案", 然後才"儲存電影檔案", 那檔案就會變成"Window Movie Maker專案", 到你發覺想改野, 你就可以chick入呢個專案, 即是可以入去movie maker度改野啦! 儲存專案  儲存電影檔案  其實...日常生活上, 我有什麼想知, 想學, 我都習慣會上yahoo度search, 例如...click入"movie maker""片頭"等字眼, 就會有相關既資料, 始終我響呢度講, 你地未必會消化到, 所以你地都可以上網參考下多D教學. 以下呢條LINK, 大家可以參考下: http://www.fg.tp.edu.tw/~anny/artweb/94class/moviemaker.htm 希望你地都整到一條好片! |
|||
